មន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារបើកសិក្ខាសាលាពិគ្រោះយោបល់ ក្នុងគោលបំណងចំនួន២ចំណុច

ព្រះវិោហារៈ ថ្ងៃទី២៤ ខែវិច្ឆិកា ឆ្នាំ២០២១ លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តព្រះវិហារ រួមនិង លោកបណ្ឌិត សេង វ៉ាង ប្រធាននាយកដ្ឋានគ្រប់គ្រងធន ធានដី កសិកម្មនៃអគ្គនាយកដ្ឋានកសិកម្ម  បានអញ្ជើញចូលរួមជាគណអធិបតី បើកសិក្ខាសាលាពិគ្រោះយោបល់ស្តីពី “មាគ៌ាផលប៉ះពាល់(Impact Pathway )សម្រាប់កសិអេកូឡូស៊ី និងប្រព័ន្ធស្បៀងអាហារសុវត្ថិភាព នៅខេត្តព្រះវិហារ “។

ក្រោមគម្រោង វិវឌ្ឍនាការកសិអេកូឡូស៊ី និងប្រព័ន្ធស្បៀងអាហារសុវត្ថិភាព(ASSET)។

សិក្ខាសាលានេះធ្វើឡើងក្នុងគោលបំណង៖១/បង្កើតចក្ខុវិស័យរួមគ្នាអំពីការផ្លាស់ប្តូរដែលត្រូវការ នៅក្នុងប្រព័ន្ធអន្តរាគមន៍ និងផែនការសកម្មភាព ដើម្បីសម្រេចបានវិវឌ្ឍនាការប្រព័ន្ធ កសិកម្ម និងសុវត្ថិភាពចំណីអាហារនៅខេត្តព្រះវិហារ។ ២)បង្កើនការយល់ដឹងរួមលើគោលគំនិតកសិអេកូឡូស៊ី (Agroecology) ឫប្រពលវប្បកម្មដោយនិរន្តរភាព និងប្រព័ន្ធស្បៀងអាហារសុវត្ថិភាព។ គម្រោង ASSET គឺជាគម្រោងថ្នាក់តំបន់ដែលផ្តល់មូលនិធិដោយទីភ្នាក់ងារអភិវឌ្ឍន៏ប្រទេសបារាំង (AFD) សហគមន៏អឺរ៉ុប (EU) និងមូលនិធិបារាំងសំរាប់បរិស្ថានសកល (FFEM) ហើយសម្របសម្រួលដោយអង្កការ GRET និង  CIRAD រយៈពេល  ៥ឆ្នាំ ពីឆ្នាំ ២០២០-២០២៥។

សូមបញ្ជាក់ថា សមាសភាពសិក្ខាកាមរួមមាន៖ មន្រ្តីមន្ទីរកសិកម្ម, មន្ទីរបរិស្ថាន, មន្ទីរពានិជ្ជកម្ម, អង្គការនិងដៃគូអភិវឌ្ឍក្នុងខេត្តព្រះវិហារ, ក្រុមហ៊ុនទិញផលិតផលកសិកម្ម និងសហគមន៍កសិកម្មផងដែរ៕