កំពង់ចាម : ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណកម្មការខេត្តប្រយុទ្ធ ប្រឆាំងនឹងជំងឺកូវីដ -១៩ និងឯកឧត្តម ខ្លូត ផន ប្រធានក្រុមប្រឹក្សាខេត្ត រួមនឹងអភិបាលរងខេត្ត នារសៀលថ្ងៃទី ១៩ ខែមិនា ឆ្នាំ ២០២១នេះបានអញ្ជើញ ទទួលអំណោយពីសប្បុរសជននានា ក្នុង ការចូលរួមជាមួយរាជរដ្ឋាភិបាល ដើម្បីទប់ស្កាត់ការឆ្លងរីករាលដាលនៃ ជំងឺកូវីដ -១៩ ។
ស្ថិតក្នុងឱកាសនោះដែរ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការ ខេត្ត ប្រយុទ្ធប្រឆាំងនឹងជំងឺកូវីដ-១៩ បានថ្លែងអំណរគុណចំពោះក្រុមហ៊ុនក៏ដូចជាសប្បុរសជននានា ដែលបានជួយឧបត្ថម្ភទាំង ថវិកា និង ផ្នែកសំភារៈ ជូនដល់គណៈកម្មការប្រយុទ្ធប្រឆាំងនឹង ជំងឺកូវីដ -១៩ នាពេលនេះដែលជាការរួមចំណែក យ៉ាងសំខាន់ ក្នុងសកម្មភាពនានា ដើម្បីប្រយុទ្ធប្រឆាំង នឹងជំងឺកូវីដ-១៩ ហើយក៏ជាការជួយរំលែកទុក្ខលំបាកការខ្វះខាត របស់បងប្អូនប្រជាពលរដ្ឋ ជាពិសេសពលករចំណូលស្រុកត្រឡប់មកពីប្រទេស ថៃ ដែលកំពុងធ្វើចត្តាឡីស័កផងដែរ៕
គួរបញ្ជាក់ថា ក្នុងពិធីប្រគល់ និងទទួល អំណោយនេះ ដោយសាខាពន្ធដារខេត្តកំពង់ចាម បានជួយ ឧបត្ថម្ភថវិការចំនួន ២លានរៀល . ក្រុមហ៊ុន អាន ម៉ារឌីគ្រុប ជួយឧបត្ថម្ភថវិការចំនួន១០លានរៀល . ក្រុមហ៊ុនខេស៊ី ៤ស្ការ ជួយឧបត្ថម្ភថវិការចំនួន ៤លានរៀល និងម៉ាស ចំនួន ១ម៉ឺន ម៉ាស. ក្រុម ហ៊ុន ដីឡូត៍ មិត្ត អិត ជួយឧបត្ថម្ភថវិការចំនួន ១លានរៀល និង ក្រុមហ៊ុន ដីឡូត៍ ហេង ហេង ជួយឧបត្ថម្ភ ទឹកបរិសុទ្ធចំនួន១៥០ យួរនិង មីជាតិ ៥០កេស ដើម្បី ជួយទំនុកបម្រុងដល់បងប្អូនប្រជាពលរដ្ឋដែល កំពុងធ្វើធ្វើចត្តាឡីស័កផងដែរ៕
